» Grant sucès de XXIII Cunvigne – 2024
Il 23^Congrès Anuâl de Societât Sientifiche e Tecnologjiche Furlane si è davuelzût Sabide ai 14 di Dicembar dal 2024, a Cjasarse, te Sale dal Consei Comunâl di Palaç di Burovich de Zmajevich, sede dal Comun, dulà che, par partecipâ al event, si è dât dongje un public numerôs.
Il Congrès al è tacât cu la presentazion di bande dal prof. Antonino Morassi, president de SSTeF, e cui salûts dal Comun, puartâts dal vicesindic Ermes Spagnol.
La Lectio Magistralis, une vore preseade di ducj i presints, e je stade tignude dal Inz. Giovanni Battista Colussi, President de “Colussi Ermes”, sul teme De tradizion ae inovazion: tecnichis inovativis progjetadis su misure pal lavaç industriâl dai aliments e des atrezaduris dopradis in cjamp alimentâr e farmaceutic. L’Inz. Colussi, che, pes sôs invenzions e progjetazions inovativis al à vude conferide de Universitât dal Friûl la Lauree Magjistrâl Honoris Causa in Inzegnarie Mecaniche, te sô prolusion al Congrès, al à ilustrât cualchidune des tantis soluzions inovativis e invenzions che al à progjetât tal cjamp dal lavaç industriâl.
Cetant preseâts a son stâts ancje i contribûts puartâts daspò de prolusion, te sezion des Comunicazions, di Gianluigi Gallenti, Matteo Carzedda, Luca Iseppi e Sandro Sillani; Giulia Genuzio; Silla Stel, seguide dal video curt di Giulia Matellon; Francesco Pascoli; Franco Rosa; Rino Gubiani; Enrico Maiero; Lorenzo Marcolini; Sandro Fabbro.
» Cjasarse, ai 14 di Dicembar dal 2024
» Premi par tesis
Al è timp fin a Miercus ai 18 di Dicembar dal 2024 par mandâ la domande pal bant di concors pal premi par tesis di lauree o dotorât de Societât Sientifiche e Tecnologjiche Furlane, che al è stât tornât a bandî.
La SSTeF, in graciis dal contribût di ARLeF Regjon Friûl Vignesie Julie, e à istituît trê premis par Tesis di Lauree o di Dotorât, ognidun di 250,00 Euros (dusinte e cincuante), indreçâts a ricognossi e a premiâ lis capacitâts di students e zovins studiôs e ricercjadôrs meritevui, che, par comunicâ i risultâts des lôr ricercjis, a doprin la lenghe furlane. In vie transitorie, a son ametûts a presentâ domande ancje students che a àn scrit la lôr tesi di lauree par talian o par inglês, a cundizion che a presentin une sintesi de proprie tesi (lungje, al plui, 15 cartelis) scrite in lenghe furlane, in grafie uficiâl.
Lis tesis scritis in dut o in part in lenghe furlane a varan la precedence te assegnazion dal premi.
» Gnûf istitût bancjari
La SSTeF e à une gnove bancje leade al teritori furlan.
Par paiâ la cuote sociâl (30 euros par an) o fâ une donazion ae SSTeF, si pues fâ un bonific intestât ae SOCIETÂT SIENTIFICHE E TECNOLOGJICHE FURLANE sul cont:
BANCA 360 FVG
Filiale 010 – UDINE 1 (VIA GORGHI)
Vie Gorghi, 33 – Udine
ABI 08631
CAB 12300
IBAN IT22 F086 3112 3000 0000 1037 280
BIC/SWIFT CCRTIT2TTER
Te causâl si à di indicâ “Versament cuote sociâl pal/pai an/agns …”
Se, invezit, si intint fâ une donazion ae SSTeF, te causâl si à di scrivi “Erogazion liberâl in favôr de SSTeF“.
» Devente soci
Devente ancje tu soci de SSTeF
Complete la schede di adesion, compile e firme la acetazion de informative sul tratament dai dâts personâi dai socis e mande i doi documents compilâts a la direzion di pueste eletroniche de Societât Sientifiche e Tecnologjiche Furlane sstef2001@gmail.com
Ti informarìn de acetazion de domande.
» La societât
In dì di vuê il disvilup de culture furlane e de lenghe furlane al pues dâsi dome se i aspiets plui impuartants de modernitât, tant a dî lis siencis, a vegnin doprâts par furlan. Ancje se in tal mont la comunicazion sientifiche si le fâs par inglês, par dut l’insegnament e la realizazion des siencis e des tecnologjiis a vegnin puartâts indenant intes lenghis nazionâls. Cun cheste convinzion e je nassude la SSTeF, associazion indipendente che riunìs ricercjadôrs, studiôs e professioniscj di diviers setôrs sientifics e tecnologjics, che àn a cûr la incressite de culture e de lenghe furlanis.
Lis finalitâts de SSTeF a son chês di promovi e disvilupâ la ricercje, la cognossince e la divulgazion sientifiche e tecnologjiche doprant la lenghe furlane.
» Ativitâts
Lis ativitâts di ricercje e di divulgazion sientifiche de SSTeF a son metudis in vore prin di dut in Friûl, ma ancje ator pal mont.
A rivuardin i principâi setôrs sientifics dissiplinârs:
- siencis esatis
- siencis de nature
- siencis de salût
- siencis tecnologjichis
- siencis economichis, sociâls e umanis indulà che si dopre il metodi sientific
- gjornalisim sientific
Ogni an la SSTeF e ten un Congrès là che i siei associâts a presentin i lavôrs di ricercje plui significatîfs.
» GFS – FJS
Dal 2002, la SSTeF e publiche il Gjornâl Furlan des Siencis / Friulian Journal of Science. Il GFS/FJS al è une riviste sientifiche bilengâl, in lenghe furlane e inglese, indulà che a vegnin publicâts lavôrs origjinâi di ricercje su lis dissiplinis sientifichis e tecnologjichis plui avanzadis, rassegnis sientifichis e recensions di libris sientifics.
La publicazion de riviste sientifiche Gjornâl Furlan des Siencis/Friulian Journal of Science e je un dai obietîfs strategjics de SSTeF.
» Premi par tesis
Al è timp fin a Lunis ai 29 di Lui dal 2024 par mandâ la domande pal bant di concors pal premi par tesis di lauree o dotorât de Societât Sientifiche e Tecnologjiche Furlane.
La SSTeF, in graciis dal contribût di ARLeF Regjon Friûl Vignesie Julie, e à istituît un premi par Tesis di Lauree o di Dotorât di Euros 250 (dusinte e cincuante), indreçât a ricognossi e a premiâ lis capacitâts di students e zovins studiôs e ricercjadôrs meritevui, che, par comunicâ i risultâts des lôr ricercjis, a doprin la lenghe furlane.
In vie transitorie, se no vessin di jessi candidaturis dentri dai tiermins previodûts il premi al vignarà bandît di gnûf.
» Assemblee ordenarie dai socis
Lunis ai 29 di Avrîl dal 2024, aes 4 e mieze daspò misdì (16:30), si è davuelzude la Assemblee Gjenerâl Ordenarie de Societât Sientifiche e Tecnologjiche Furlane.
» Sclesis – RadioRAI
“Sclesis, cinc minûts di sience e tecnologjie” e je une trasmission radiofoniche realizade di Marco Tempo e Delta Studios, in colaborazion cu la Societât Sientifiche e Tecnologjiche Furlane, pe RAI regjonâl dal Friûl Vignesie Julie.
“Sience e tecnologjie in sclesis radiofonichis par svicinâsi a lis leçs che a guviernin il nestri mont e a lis creazions da l’inzen che a smicjin a fâ cressi il progrès de umanitât. Si fevele di machinis e di stelis, di bateriis e puints” (dal sît de RAI regjonâl dal Friûl Vignesie Julie)
Se tu âs pierdût cualchi pontade, tu puedis tornâlis a scoltâ e ancje discjamâlis dal sît de RAI Friûl Vignesie Julie.
Par scoltâ e discjamâ lis pontadis diretementri dal sît de RAI, frache chi sot.
» XXII Cunvigne – 2023
Il 22^Congrès Anuâl de Societât Sientifiche e Tecnologjiche Furlane si è davuelzût Sabide ai 9 di Dicembar dal 2023, a Romans dal Lusinç, te Cjase Candussi-Pasiani, in Place Garibaldi, 6.
La prolusion e je stade tignude de Prof.e Paola Del Negro, Diretore Gjenerâl dal Istitût Nazionâl di Oceanografie e Gjeofisiche Sperimentâl, sul teme Il Mâr Adriatic intun clime che al è daûr a cambiâ.
Te sezion des Comunicazions, a àn puartât i lôr contribûts: Alessio Fornasin e Laura Rizzi; Stefania Troiano, Francesco Marangon e Alberto Bertossi; Sandro Fabbro; Eric Puntel; Enrico Maiero; Luigi Sante Zampa; Clara Salvador; Rino Gubiani; Lorenzo Marcolini.
» XXI Cunvigne – 2022
Il 21^Congrès Anuâl de Societât Sientifiche e Tecnologjiche Furlane al è tornât in presince e si è davuelt Sabide ai 10 di Dicembar dal 2022, a Cjampfuarmit, te Sale de Cjase des Associazions, in Vie De Amicis, 2.
La prolusion e je stade tignude dal Prof. Guglielmo Cevolin, Professôr Agregât di Istituzions di Dirit Public e Vicediretôr dal Master in Intelligence e ICT de Universitât dal Friûl e Coordenadôr dal Limes Club di Pordenon, sul teme Democraziis, autocraziis e ordin mondiâl.
Te sezion des Comunicazions, a àn puartât i lôr contribûts: Alessio Fornasin e Laura Rizzi, Federico Spizzo, Rino Gubiani, Sandro Fabbro, Dario Giaiotti, Sandro Sillani, Lorenzo Marcolini, Marta Fedele Dell’Oste.
» XX Cunvigne – 2021
Il 20^Congrès Anuâl de Societât Sientifiche e Tecnologjiche Furlane si è davuelt Sabide ai 4 di Dicembar dal 2021, in linie e in direte streaming.
In chest impuartant inovâl, a àn puartât i lôr salûts il President dal Consei Regjonâl, Piero Mauro Zanin, il Sindic di Udin, Pietro Fontanini, il President de ARLeF, Eros Cisilino.
La prolusion e je stade tignude dal Prof. Luca Melchior de Universitât di Klagenfurt, sul argoment Di lenghis e lenghis di culture: su la elaborazion des lenghis ‘piçulis.
Te sezion des Comunicazions, a àn puartât i lôr contribûts: Guglielmo Pitzalis, Paolo Pischiutti, Valentina Brussi, Alice Pischiutti; Stefania Troiano, Francesco Marangon, Matteo Carzedda; Emanuela Vidic, Marisa Michelini; Sandro Fabbro; Lorenzo Marcolini, Pier Luigi Del Frate; Antonino Morassi; Paola Solerti.
» Sience furlane
Temporâi fuarts, tampiestadis, burlaç, ploiis straordenariis cun Dario Giaiotti da le Agjenzie Regjonâl pal Ambient dal Friûl Vignesie Julie.
Viôt une des pontadis dal program di divulgazion sientifiche Sience Furlane.
