Udin capitâl de sience in lenghe minoritarie
Conference Internazionâl “Lenghis minoritariis e comunicazion sientifiche” in ocasion dal Decenâl de Societât Sientifiche e Tecnologjiche Furlane
Sienziâts di dute Europe si àn cjatât vinars ai 16 di Dicembar dal 2011 a Udin in ocasion de Conference Internazionâl “Lenghis minoritariis e comunicazion sientifiche” organizade de Societât Sientifiche e Tecnologjiche Furlane par celebrâ il decim inovâl de sô fondazion.
La conference, che si è tignude te Sale Cunvignis “R. Gusmani” di Palaç Antonini, vie Petracco 8, Universitât dal Friûl, e à viodût la partecipazion di rapresentants des plui impuartantis “lenghis cence stât” europeanis, che si àn confrontât su lis rispetivis esperiencis sul ûs de lenghe minoritarie tal insegnament, te ricercje e te pratiche professionâl in ambit tecnic-sientific.
E à cjapât part ae conference Maria Gil, responsabile de comunicazion sientifiche de Fundazioa Elhuyar, une associazion privade une vore ative tal cjamp de divulgazion sientifiche in lenghe basche a ducj i livei, che in cuarante agns e à burît fûr une schirie di ativitâts imprenditoriâls tal setôr educatîf, promozionâl e editoriâl riferît ae sience in lenghe basche.
Pe Catalogne a jerin presints Sandra Cuadrado i Camps dal centri di terminologjie Termcat e Aureli Argemí dal Ciemen di Barcelone, che al à presentât la relazion di fonde insiemit cul sloven Bojan Brezigar, diretôr dal cuotidian Primorski Dnevnik e za president dal Bureau european pes lenghis mancul pandudis.
Ae cunvigne a àn partecipât, cun di plui, la dot. Delyth Prys, responsabile des Tecnologjiis Linguistichis ae Universitât di Bangor tal Gales, il prof. Robert Dunbar de University of the Highlands and Islands di Aberdeen in Scozie, Anne Dykstra de Fryske Akademy di Lijouwert in Frisie e Mariannig Le Béchec, de associazion Point BZH che e à cjacarât de presince dal breton tal setôr des gnovis tecnologjiis.
La presince dal sart e dal furlan tal setôr universitari e sientific a son stadis ilustradis infin di Diego Corràine della Sotziedade pro sa Limba Sarda di Nuoro e di William Cisilino dal ARLeF di Udin.
Conference Internazionâl “Lenghis minoritariis e comunicazion sientifiche”
ai 16 di Dicembar dal 2011
Sale Cunvignis “R. Gusmani” di Palaç Antonini
Universitât dal Friûl
Program
9.00
Salûts des Autoritâts
10.00
Presentazion des voris de conference
Marzio Strassoldo
President de SSTeF10.00
10.15
Relazion di fonde
Il catalan lenghe de universitât intune prospetive europeane
Aureli Argemí, Ciemen, Barcelone
Lenghis minoritariis tai contescj universitaris e sientifics europeans
Bojan Brezigar, President dal Comitât Paritetic pe Minorance Slovene, Triest10.15
Relazion di fonde
Il catalan lenghe de universitât intune prospetive europeane
Aureli Argemí, Ciemen, Barcelone
Lenghis minoritariis tai contescj universitaris e sientifics europeans
Bojan Brezigar, President dal Comitât Paritetic pe Minorance Slovene, Triest10.15
11.15
Polse
11.30
La costituzion de “Societât”
Franco Fabbro
Prin Diretôr dal Gjornâl Furlan des Siencis / Friulian Journal of Science11.30
12.00
Minorancis di Italie – Il status de lenghe te sience e te tecnologjie
Friûl: William Cisilino, Diretôr de Agjenzie Regjonâl pe Lenghe Furlane, Udin
Sardegne: Diego Corràine, Segretari de Sotziedade pro sa Limba Sarda, Nuoro13.00
Buffet
13.00
15.00
La lenghe minoritarie te sience e te tecnologjie
Comunicazions su la situazion des minorancis europeanis ospitis:
Catalogne: Sandra Cuadrado i Camps, Termcat, Barcelone
Paîs Basc:Maria Gil, Elhuyar Fundazioa, Usurbil
Frisie: Anne Dykstra, Fryske Akademy, Ljouwerte16.30
Polse
16.30
16.45 - La lenghe minoritarie te sience e te tecnologjie
Comunicazions su la situazion des minorancis europeanis ospitis:
Gales: Delyth Prys, Canolfna Bedwyr, Bangor University
Scozie: Rob Dunbar, University of the Highlands and Islands, Aberdeen
Bretagne: Mariannig Le Bechec, Association www.bzh, Quimper – Université Poitiers18.15
Discussion
18.15
18.30
Conclusion des voris
