Tai prins agns 2000 la SSTeF e à prontât un coretôr ortografic.
Il coretôr ortografic de SSTeF al verifiche che lis peraulis di un test a sedin scritis in maniere corete secont la grafie uficiâl e il dizionari di riferiment. Se une peraule scrite nol è tal dizionari il coretôr al à di sugjerî chês peraulis coretes che secont lui a podaressin corispuindi a la peraule falade.
Par cjatâ i sugjeriments il Coretôr Ortografic Furlan (COF) de Societât Sientifiche e Tecnologjiche Furlane al dopre il motôr Aspell che al furnìs chês peraulis che par solit si pronunzin in maniere simil a la peraule falade.
Il COF (te so version atuâl 2.0) al funzione come estension di Microsoft Word 2003 e Microsoft Word 2007 sui sistemis operatîfs Microsoft XP e Microsoft Vista.
Scjame il Coretôr Ortografic Furlan secont lis tôs preferencis:
Microsoft Word 2003
- Estension di Microsoft Word 2003
- Tire jù il COF, fasilu partî e seguìs lis istruzions.
Il COF v. 2.0 – Word 2003 Addin al permet di doprâ il Coretôr Ortografic Furlan de SSTeF drenti di Microsoft Word 2003. Une volte instalât a si cjatarà drenti dal menu Strumenti le gnove vôs COF. Il menu COF al à cuatri opzions:
- Corezion: par podê doprâ il COF v. 2.0 selezionâ le vôs Corezion. Le corezion e scomence a gjestre dal pont la che al è il cursôr.
- Dizionari: al permet di viodi il dizionari personâl e gjavâ lis vôs selezionadis.
- Opzions: al permet di impuestâ lis opzions principâls dal coretôr.
- Informazions: al mostre cualchi informazion sul COF v. 2.0.
Microsoft Word 2007
- Estension di Microsoft Word 2007
- Tire jù il COF, fasilu partî e seguìs lis istruzions.
Il COF v. 2.0 – Word 2007 Addin al permet di doprâ il Coretôr Ortografic Furlan de SSTeF drenti di Microsoft Word 2007. Une volte instalât a si cjatarà drenti dal nastri Revisioni une gnove sezion COF 2.0 cun cuatri opzions:
- Corezion: par podê doprâ il COF v. 2.0 selezionâ le vôs Corezion. Le corezion e scomence a gjestre dal pont la che al è il cursôr.
- Dizionari: al permet di viodi il dizionari personâl e gjavâ lis vôs selezionadis.
- Opzions: al permet di impuestâ lis opzions principâls dal coretôr.
- Informazions: al mostre cualchi informazion sul COF v. 2.0.
